नयाँ संविधानको नामबारे राजनीतिक संवाद समितिले सहमति जुटायो
Admin / 2014-09-01 04:48:04
नेपाल ब्युरो– भदौ १६, काठमाडो ।
नयाँ संविधानको नामबारे संविधानसभाको संवैधानिक राजनीतिक संवाद समितिले सहमति जुटाएको छ ।
अब बन्ने नयाँ संविधानको नाम ‘नेपालको संविधान’ हुने भएको छ ।
राजनीतिक संवाद तथा सहमति समितिको आज बसेको बैठकले नयाँ संविधानको नामबारे सहमति जुटाएको हो ।
संविधानको नाम सर्वसम्मतीले चयन गरिएको बताइएको छ । बैठकले संवैधानिक परिषद् र राजदुत नियुक्तिमा पनि सहमति जुटाएको छ । स्रोतका अनुसार संवैधानिक परिषद् ५ सदस्यीय हुनेछ ।
प्रधानमन्त्री, सभामुख, प्रधानन्यायधिश, सभामुख र एक महिला परिषद्को पदाधिकारी रहने सहमति भएको छ । यस्तै राजदुत नियुक्तिमा समावेसीको सिद्धान्त अनुसार गर्ने सहमति भएको छ । समानुपातिक प्रतिनिधित्वका आधारमा राजदुत नियुक्तिको व्यवस्था गर्ने सहमति भएको हो । दलहरुबीच सबैभन्दा बढि विवादित रहेको राज्र्यपुनसंर्रचना र राज्यको शासकीय स्वरुप बारे भने बैठकमा छलफल नै नभएको बताइएको छ ।
यही भदौ २१ गतेभित्र विवादित विषयमा सहमति जुटाएर संविधानसभामा प्रतिवेदन पेश गर्नुपर्ने कार्यातालिका रहेको छ । तर, हालसम्मको प्रगतिका आधारमा कार्यतालिका अनुसार काम हुने सम्भावना निकै कम हुँदै गएको छ ।
प्रकाशित मिति: 2014-09-01 04:48:04
प्रतिक्रिया: