थसेस जापानको बार्बेक्यु कार्यक्रमको तयारी पुरा
Admin / 2014-07-18 02:17:02
टोकियो, साउन २ – थकाली सेवा समिती जापानले आगमी जुलाई २० तारिख आईतावारको दिन टोकियोस्थित युमेनोसिमा पार्कमा आयोजना गर्न गैरहेको समर बार्बेक्यु कार्यक्रमको सम्पूर्ण तयारी पुरा भएको जानकारी दिएको छ। आयोजकको तर्फबाट कार्यक्रमका संयोजक अनिल भट्टचनले बिज्ञप्ति प्रकाशित गरि उक्त कुराको जानकारी गराएका हुन।
संयोजक भट्टचनका अनुसार विहान ११:०० देखी दिउसो १६:०० बजेसम्म संचालन गरिन लागेको यस पटकको बार्बेक्यु कार्यक्रममा ४०० जनाको हाराहारीमा जापानवासी नेपालीहरु उपस्थिति हुनेसक्ने अनुमान गरिएको छ। कार्यक्रमको लागि अति नै गुणस्तरिय र दुर्लभ मासुको परिकार, डेजार्ट तथा भरपुर पेय पदार्थ एवं विविध मनोरञ्जनात्मक कार्यक्रमको ब्यबस्था गरिएको जनाएको छ। महिला तथा बालबालिकाहरुको लागि विशेष परिकारको समेत ब्यबस्था गरिएको छ आयोजकले जनाएको छ।
जापानको अत्यन्तै ब्यस्थता, मेशिन सरहको दिनचर्या र शहर भित्रको भिडभाडबाट एक दिनको लागि भएपनी छुटकारा लिई रमणीय समुन्द्र नजिकैको हरियाली संगै मनोरम दृष्यालोवकन एवं उत्कृष्ठ र गुणष्तरिय जापानको एक नंम्वरकै मासुको परिकारले स्वागत गर्ने साथै आगन्तुहरुको बर्षौं भरिको थकान मेटाउने बिशेष आकर्षण खेलकुद सहित एकदिने बनभोज कार्यक्रमलाई अविस्मरणीय बनाउने संयोजक भट्टचनले दाबी गरेका छन।
समर वार्वेक्यु थकाली सेवा समिति जापानको वार्षिक कार्यक्रमहरु मध्य एक हो र यसलाई परम्परागत रुपमा लामो समयदेखी हरेक बर्ष नबिराई आयोजना गर्दै आईरहेको छ।सुरुवातमा टोकियोवासी थकालीहरु मात्रा भेला भएर मनाउने उक्त वार्वेक्युले बर्ष प्रती बर्ष ठुलो आकार लिदै आएको थियो र अहिले आएर समर वार्वेक्यु थकाली र गैरथकालीलाई एउटै थलोमा भेला पार्ने अवसरको रुपमा पारीणत भएको छ।
थसेस जापानले नै जापानमा नेपालीहरुको समुहगत रुपमा जमघट भएर वार्वेक्यु वा बनभोज तथा आउट डोरमा मनोरञ्जन गर्ने चलन चल्ति प्रचलनमा ल्याएको हो। जापानमा पहिलो चोटि २३ बर्ष अघि थसेस जापानले टोक्योको फुतागो तामागावा स्थित खोलाको किनारमा छेलो फाल्ने, लुठो तान्ने कार्यक्रम सहित प्रथम वार्वेक्यु कार्यक्रम आयोजना गरेका थिए।
प्रकाशित मिति: 2014-07-18 02:17:02
प्रतिक्रिया: