बिनाप्रमाण स्वतन्त्र न्यायालयमाथि प्रश्न उठाउन उचित होइन: पौडेल
Admin / 2014-05-18 06:23:57
नेपाल ब्युरो–जेठ ४, काठमाडौ ।
नेपाली कांग्रेसका उपसभापति रामचन्द्र पौडेलले सर्वोच्च अदालतको ८ स्थायी न्यायाधिश सिफारिस गर्दा न्याय परिषदले विचार पुर्याएर काम गरेको बताउनुभएको छ ।
आज बिहान कञ्चनपुरको सदरमुकाम महेन्द्रनगरमा आयोजित एक कार्यक्रममा बोल्नुहुँदै पौडेलले बिना प्रमाण स्वतन्त्र न्यायालयमाथि प्रश्न उठाउन उचित नभएको जिकीर समेत गर्नुभयो ।
एमाले र एकीकृत नेकपा माओवादीतर्फ लक्षित गर्दै उहाँले राजनीतिक पूर्वाग्रह राखेर कसैप्रति लाञ्छना लगाउनु गलत भएको बताउनुभयो । कुनै एउटा पार्टीलाई लागेको भरमा न्याय परिषदको निर्णय उल्ट्याउनु गलत भएको उपसभापति पौडेलको भनाई थियो ।
उहाँले संविधानसभाका २६ जना सभासद चयनका बारेमा संर्वोच्च अदालतले गरेको निर्णयलाई कांग्रेसले शिरोधार्य गर्ने स्पष्ट पार्नुभयो ।
उपसभापति पौडेलले छिमेकी मुलुक भारतमा भारतीय जनता पार्टीका नेता नरेन्द्र मोदी नेतृत्वमा सरकार गठन हुँदैमा नेपालमा कुनै उतार–चढाव नआउने उल्लेख गर्नुभयो । मोदी सरकारका कारण सामान्य पहुँचमा फरक परेपनि भारतीय नीतिमा केही असर नपर्ने बताउनुभयो ।
प्रकाशित मिति: 2014-05-18 06:23:57
प्रतिक्रिया: