-शान्ति लामा।
भाषा बिनाको मानव
जीवनमा कल्पनासम्म गर्न पनि सकिन्न।भाषाको महत्व कति हुन्छ भन्ने कुरा रोजगारीको
लागि प्रवास भासेकाहरुले अनुभव गरेको हुन्छ।नेपामला नेपाली भाषा, ईन्डियमा ईन्डियन
भाषा, जापानमा जापानी भाषा।भाषा बिनाको मुलुक छैन।मानिस जीबनयात्राको क्रममा को
कहां पुग्नु पर्छ अनि कति देशमा भ्रमण, कामको सिलसिलामा बैदेशिक यात्रा गर्नु
पर्छ।
आज जापानमा रहेर यहां भाषाको महत्व बारेमा केही सुनेको देखेको कुरा गर्न चाहन्छु। मातृ भाषा बाहेक अन्य भाषा सिक्नु र निपुणता हासिल गर्नु हिमाल चढनु जतिकै कठिन छ।देश अनुसारको भेष गर्नु जरुरी भए झै देश अनुसारको भाषामा निपुणता हासिल गर्नु पनि उतिकै जरुरी छ।
जापान मात्र पुग्न
पाए त भाषा भनेको त त्यही गएर बोल्दा, बोल्दै सिकिहालिन्छ भन्ने मानसिकता जापान
प्रवेश गर्नु अगाडी सबैले बनाएको हुन्छ।यो सरासर गलत हो। शिक्षा बिनाको जीवन
अन्धकार अनि भाषा बिनाको मानिस शारिरीक रुपमा सबल भए पनि जिन्दगी अर्थहिन हुन्छ। कम्तिमा पनि जापानी भाषा
सामान्य लेखपढ अनि यहांको रहन सहनको बारेमा राम्रो जानकारी राख्नु जरुरी छ।बिद्यार्थी,
कुक, प्रशिक्षार्थी जुनसुकै स्टाटसमा जापानलाई कर्मभुमि बनाउन आएकाहरु प्राय सबैमा
भाषाको समस्या रहेको छ।भाषामा कमजोर हुने बित्तिकै कुनै पनि काममा सोचेको जस्तो
सफलता पाउन सक्दैन।ठुलो उद्देश्य बोकेर परिवार, आफन्त,समाज, साथीभाईलाई चटक्कै
छोडेर लामो यात्रा तय गर्छन तर त्यही भाषसाको कमिले गर्दा भनेको जस्तो काम पाउन
सक्दैन।जसोतोस काम पाईहाले पनि जापानि अनि अन्य देशका सहकर्मीहरुसंग सम्बन्ध बढाउन
अनि सहकार्य गर्न निकै कठिन परिस्थितिको सामना गर्नु पर्छ।
जापान त्यस्तो मुलुक हो जहां अहिलेसम्म पनि जापानी बाहेका अन्य भाषा बोलिदैन।केही शब्दहरु अंग्रेजीको प्रयोग गरेपनि जापानी उच्चारण एकदमै फरक हुने भएकोले अंग्रजी शब्द पनि बुझ्न कठिन हुन्छ।जापानमा रहेका नेपालीहरुले भाषा निपुणता नभएकै कारण शारिरीक बल धेरै लगाउनु पर्ने काम गरिरिहेका छन।कतिले भाषाकै कारण काम समेत नपाएर टाउकोमा हात राखेर बस्न बाध्य छन।बोल्नै आउदैन भने कार्यस्थलमा पनि धेरै अप्ठ्याराहरुको सामना गर्नुपर्छ।धेरै जसो कम्पनिमा जापानी बाहेक पनि बिभिन्न मुलुकका कामदारहरुसंग काम गर्नु पर्ने हुन्छ।भाषाको समस्याको कारण अरुले बिगारेको कामको भागिदार बन्नु परेको कुरा पनि धेरै नेपालीले भेटघाटमा सुनाउने गर्छन।
जापानी भाषा बोल्न
नआउनेलाई काम सिकाउन,अह्राउन अनि सामान्य कुराकानी गर्न पनि कठिन हुने हुंदा काममा
राख्न त्यति मन गर्दैन। भाषा राम्रो बोल्न आएमा,कम्तिमा पनि कुराकानी गर्न सकेमा,
हिरागाना, काताकाना लेख्न जानमा अहिले जापानको कुनै पनि ठाउंमा सजिलै काम पाउन सकिन्छ।
झन खान्जी नै लेख्न,पढन सकेमा निकै राम्रो काम अनि अवसर पाउने संभावना धेरै हुन्छ।
बिद्यार्थी होस वा कामको सिलसिलामा होस जुनसुकै उद्देश्यको लागि जापान आउने सोच बनाउनु भएको छ भने कम्तिमा साधारण बोलीचाली गर्न सक्नेसम्मको भाषा सिकेर आउनुस।यहां आएर आंसुको भेल बगाउनु भन्दा नि केही समय लगाएर भाषा, जापानि रहसहन, जापानी संस्कृतिको बारेमा जानकारी लिएर आउनु भएमा जापान बसाई सहज हुनेछ।अनि जापान आईसक्नु भएको छ भने समय निकालेर भाषाको अध्ययन गर्नु बुद्दिमानी हुनेछ। भाषामा निपुणता हासिल गरेर आफ्नो जापान बसाईलाई सहज अनि सरल बनाउनु होला।