दैनिक १८ वटा आपराधिक घटना हुने गरेको तथ्यांकको खुलासा
Admin / 2014-07-10 08:44:43
नेपाल ब्युरो–असार २६, काठमाडौँ ।
उपत्यकाको तीन जिल्लामा दैनिक १८ वटा आपराधिक घटना हुने गरेको तथ्यांकले देखाएको छ । महानगरीय प्रहरी आयुक्तको कार्यालयको वाषिर्क आपराधिक विश्लेषणमा आपराधिक घटना संख्याका दृष्टिले जेठ महिना सबैभन्दा खराब देखिएको छ ।
आयुक्त कार्यालयको प्रतिवेदन अनुसार काठमाडौँ, ललितपुर र भक्तपुरमा २०७० ०७१ को जेठसम्म ६ हजार १ सय १० वटा आपराधिक घटना प्रहरीसम्म आइपुगेको थियो । जसलाई दैनिक रुपमा विभाजन गर्दा प्रतिदिन १८ वटा घटना घट्ने गरेको देखिन्छ ।
आयुक्त कार्यालयले प्रहरी प्रधान कार्यालयमा पठाएको प्रतिवेदन अनुसार यस वर्ष उपत्यकाका तीनै जिल्लामा मासिक ५ सय ५५ र प्रत्येक हप्ता १ सय २७ वटा आपराधिक घटना हुने गरेको आयुक्तको कार्यालयको तथ्यांकले देखाउँछ ।
आयुक्तको कार्यालयको तीन वर्षको आपराधिक तथ्यांक अनुसार गत वर्षको तुलनामा अपराध संख्यामा बढोत्तरी भएको छ ।
प्रकाशित मिति: 2014-07-10 08:44:43
प्रतिक्रिया: