काठमाडौं, ४ भदौं । नेपाली युवा पुस्ताले आइकनका रुपमा
लिएका दुई युवा नेता रवीन्द्र अधिकारी र गगन थापाको काँधमा नयाँ जिम्मेवारी पाउँदैछन्
।
सधैँ चर्चामा रहिरहने एमाले युवा नेता रवीन्द्र
र काँग्रेसका गगनले संसदीय समितिको महत्वपूर्ण जिम्मेवारी पाउन लागेका हुन् । कांग्रेसका
तर्फबाट गगन संसद्को कृषि तथा जलस्रोत समितिको सभापतिमा सिफारिस भएका छन् भने एमालेका
तर्फबाट रवीन्द्रले अर्थ समितिको सभापतिको जिम्मेवारी पाउन लागेका हुन् । पदीय हिसाबले
एकै भएपनि गगनको भन्दा रवीन्द्रले पाउन लागेको अर्थ समिति बढी महत्वपूर्ण छ । तर, विद्यार्थी राजनीतिबाट उठेका र आ–आफ्नो पार्टीको केन्द्रीय सदस्यको जिम्मेवारीमा रहेका यी दुई नेताले पहिलोपटक
पाउन लागेको महत्वपूर्ण जिम्मेवारी कुशलतापूर्वक पूरा गर्लान त ? प्रश्न उब्जिएको छ ।
पार्टीभित्र मात्र होइन, आम कार्यकर्ता र जनस्तरमा पनि चर्चा कमाएका
दुबै नेता उमेरका हिसावमा भने अन्य सभापति भन्दा कम उमेरका छन् ।
विगतमा त्रिचन्द्र क्याम्पसमा स्वतन्त्र
युनियनबाट राजनीतिक उचाई लिदैँ आएका गगन नेपाल विद्यार्थी संघको महामन्त्री भएका थिए
। गणतान्त्रिक आन्दोलनमा राम्रो प्रभाव छाड् सकेकै कारण उनले पहिलो संविधानसभामा कांग्रेसका
तर्फबाट मनोनित सभासद बन्ने सौभाग्य पाएका थिए । ‘टिके’ सभासद्को रुपमा संविधानसभामा प्रवेश गरेको
आरोप लगाउनेहरुलाई दोस्रो संविधानसभाको निर्वाचनमा काठमाडौँ क्षेत्र नं ४ मा अत्याधिक
मतसहित विजयी भएर गगनले आफ्नो जनमत पुष्टि गरिसकेका छन् । खासगरि, ०६७ सालको असोजमा भएको कांग्रेसको १२औं
महाधिवेशनमा सर्वाधिक मत ल्याएर पार्टीको केन्द्रीय सदस्य पदमा निर्वाचित भएपछि गगनको
लोकप्रियता चुलिएको थियो ।
यता, रवीन्द्र भने एमालेको भातृ संगठन अनेरास्ववियुको अध्यक्ष नै बन्ने मौका
पाए । अघिल्लो संविधानसभामा पनि सभासद् निर्वाचित भएका दोस्रो संविधानसभामा पनि कास्कीबाटै
निर्वाचित भएका हुन् । आफूभन्दा सिनियरहरुलाई पनि पछि पार्दै रवीन्द्र लगातार दुईपटक
सभासद् जितेर जनमतको पुष्टि गरिसकेका छन् । तर, उनी
त्यो पदमा आइपुगेका छन्, जहाँ बोलेर होइन, गरेर देखाउनुपर्छ । या जनताले दिएको खास
मतको परिक्षाकक्षमा उभिएका छन्, रवीन्द्र
।
२०४६ सालमा पोखराको पृथ्वीनारायण क्याम्पसको
स्वतन्त्र विद्यार्थी युनियनमा सचिव र ४९ सालमा सभापति पदमा निर्वाचित भएका अधिकारी
२०६० सालमा नेकपा एमाले, कास्कीको सचिव बनेका थिए । ०५३ सालमा त्रिभुवन
विश्वविद्यालय केन्द्रीय क्याम्सको स्वतन्त्र विद्यार्थी युनियन सभापतिमा बनेका अधिकारी
भर्खरै सम्पन्न एमालेको नवौँ महाधिवेशनबाट केन्द्रीय सदस्यमा समेत निर्वाचित भएका छन्
।
उहाँले पनि संविधान निर्माणका क्रममा पाएको
अहिलेसम्मको सबै भन्दा ठूलो जिम्मेवारी हो । सभासद्पछि रवीन्द्रले पाउन लागेको यो सबैभन्दा
ठूलो महत्वपूर्ण जिम्मेवारी हो ।
जनता र मिडियाको नजरमा आइकन रहेका यी दुई
नेता साँच्चै सफल हुन्छन् या असफल । अबको केही महिनाले नै बताउनेछ ।